🌿 CIO चा हिरवा निर्धार : पिंपळगाव राजा येथून दहा लाख वृक्ष लागवडीच्या मोहिमेला शुभारंभ 🌱पिंपळगाव राजा, २९ जून:देशभरातील मुलांमध्ये लहान वयातच पर्यावरणप्रेम रुजवण्यासाठी चिल्ड्रन इस्लामिक ऑर्गनायझेशन (CIO)

🌿 CIO चा हिरवा निर्धार : पिंपळगाव राजा येथून दहा लाख वृक्ष लागवडीच्या मोहिमेला शुभारंभ 🌱

पिंपळगाव राजा, २९ जून:

देशभरातील मुलांमध्ये लहान वयातच पर्यावरणप्रेम रुजवण्यासाठी चिल्ड्रन इस्लामिक ऑर्गनायझेशन (CIO) तर्फे भव्य वृक्षारोपण मोहिमेला सुरुवात करण्यात आली आहे. २५ जून ते २६ जुलै २०२५ या कालावधीत दहा लाख झाडे लावण्याचा आणि त्यांची काळजी घेण्याचा निर्धार CIO ने केला आहे.

या हरित अभियानाचा शुभारंभ जमाअत-ए-इस्लामी हिंद, पिंपळगाव राजा येथील मुख्यालयात उत्साही वातावरणात पार पडला. उद्घाटन प्रसंगी मोहम्मद जाहेद मोहम्मद शकील यांनी कुरआन पठण केले तर लुबना इरम यांनी उपस्थित मुलांना वृक्षारोपणाचा शपथ दिला. कार्यक्रमात मुलांना झाडांची रोपटी वाटप करण्यात आली.

यावेळी स्थानीय जमाअत-ए-इस्लामी हिंद अध्यक्ष मोहम्मद जियाउल्ला, CIO मॉनिटर मोहम्मद नजमुद्दीन तसेच अनेक मान्यवर, सदस्य व पालक मोठ्या संख्येने उपस्थित होते. कार्यक्रमाचे आयोजन पर्यावरणपूरक आणि प्रेरणादायी वातावरणात पार पडले.

विशेष म्हणजे पुढील रविवारी या मोहिमेंतर्गत इनामी स्पर्धेचे आयोजन करण्यात येणार असून जास्तीत जास्त झाडे लावणाऱ्या मुलांना गौरवण्यात येणार आहे.

CIO च्या या उपक्रमामुळे लहान वयातच पर्यावरणाबद्दलची जाणीव वाढेल, झाडांशी नाळ जुळेल आणि हरित भारत घडविण्यासाठी नव्या पिढीला दिशा मिळेल, असा विश्वास व्यक्त करण्यात आला आहे.