🚨 दबंग ठाणेदारांचा धडाका : कपिलनगरमध्ये दोन देशी बनावटीची अग्नीशस्त्रे जप्त, एकाला अटक! 🚨नागपूर,

🚨 दबंग ठाणेदारांचा धडाका : कपिलनगरमध्ये दोन देशी बनावटीची अग्नीशस्त्रे जप्त, एकाला अटक! 🚨

नागपूर, कपिलनगर :

कपिलनगर पोलिसांनी पुन्हा एकदा दबंग कारवाई करत गुप्त माहितीवरून मध्यरात्री सापळा रचून एका युवकाला दोन देशी बनावटीच्या अग्नीशस्त्रांसह रंगेहाथ पकडले. या कारवाईमुळे नागपूर शहरात अनधिकृत शस्त्रांची तस्करी रोखण्यात पोलिसांना मोठे यश मिळाले आहे.

मिळालेल्या माहितीनुसार, आरोपी राहुल मधुकर साखरकर (वय 30, रा. तारकेश्वर नगर, नारी) हा दिनांक 30 जून 2025 रोजी रात्री 7.50 ते 11.15 दरम्यान उप्पलवाडी येथील संगीता सहारे पेट्रोल पंपाजवळील मोकळ्या जागेत संशयास्पद हालचाली करत असल्याची गोपनीय माहिती पोलिसांना मिळाली होती.

त्यानंतर झोन 5 चे मा. निकेतन कदम सर व मा. एबल जरीपटका सर यांच्या मार्गदर्शनाखाली दबंग Senior PI सतीश आडे यांच्या नेतृत्वात कपिलनगर पोलिसांनी तातडीने पथक तयार करून पंचासह घटनास्थळी छापा टाकला. आरोपीच्या ताब्यातून काळ्या रंगाचे लोखंडी देशी बनावटीचे पिस्तुल (किंमत अंदाजे 15,000 रुपये) व लोखंडी देशी कट्टा (किंमत अंदाजे 10,000 रुपये) असे एकूण 25,000 रुपयांचे अग्नीशस्त्र जप्त करण्यात आले.

पोलिसांनी घटनास्थळी फॉरेन्सिक पथकाला पाचारण करून शस्त्रांची पंचनामा करून जप्ती केली. याप्रकरणी कपिलनगर पोलीस ठाण्यात गु.र.क्र. 489/25, कलम 3, 25 शस्त्र अधिनियम तसेच 135 महाराष्ट्र पोलीस कायदा अंतर्गत गुन्हा दाखल करण्यात आला आहे.

शहरात बेकायदेशीर शस्त्रधारकांविरोधात कठोर कारवाई केली जाईल, असा इशारा दबंग ठाणेदार सतीश आडे व त्यांच्या पथकाने यावेळी दिला.