🏫 "100 शाळांना भेट" उपक्रमांतर्गत पोलीस अधीक्षक निलेश तांबे यांची ग्राम हतेडी खुर्द शाळेला प्रेरणादायी भेट

हतेडी खुर्द जि. बुलढाणा) | मुख्यमंत्री मा. श्री. देवेंद्र फडणवीस यांच्या संकल्पनेतून सुरू करण्यात आलेल्या “100 शाळांना भेटी देणे” या अभिनव उपक्रमांतर्गत बुलढाणा जिल्ह्याचे पोलीस अधीक्षक श्री. निलेश तांबे यांनी ग्राम हतेडी खुर्द येथील जिल्हा परिषद मराठी प्राथमिक शाळेला भेट दिली.

या भेटीच्या वेळी पोलीस अधीक्षकांनी विद्यार्थ्यांशी संवाद साधत त्यांना शिक्षणाचे महत्त्व पटवून दिले. त्यांनी विद्यार्थ्यांना शिस्त, आत्मविश्वास आणि राष्ट्रभक्ती याबाबत प्रेरणादायी मार्गदर्शन केले. याशिवाय, विद्यार्थ्यांच्या विविध प्रश्नांना उत्तर देत त्यांचा आत्मसन्मान वाढविण्यास मदत केली.

मुख्याध्यापक, शिक्षकवृंद, ग्रामस्थ व पालक वर्ग यांनी या भेटीचे मनःपूर्वक स्वागत केले. पोलीस अधीक्षकांची भेट विद्यार्थ्यांसाठी अत्यंत उत्साहवर्धक ठरली असून त्यांच्या मार्गदर्शनातून नवीन प्रेरणा मिळाली, अशी भावना शिक्षक आणि पालकांनी व्यक्त केली.

हा उपक्रम ग्रामीण भागातील विद्यार्थ्यांमध्ये आत्मभान व प्रेरणा निर्माण करणारा ठरत आहे. शासकीय अधिकाऱ्यांनी विद्यार्थ्यांशी थेट संवाद साधल्याने शिक्षणासंदर्भात सकारात्मक वातावरण तयार होत आहे.