ईद मिलादुन्नबी मिरवणुकीच्या मार्गांची ॲडिशनल एस.पी. श्रेणिक लोढा (IPS) यांच्याकडून पाहणी – अध्यक्ष हसन इनामदार यांचा पुढाकार
पी. राजा (प्रतिनिधी) – येत्या ५ सप्टेंबर रोजी शहरात पारंपरिक उत्साहात निघणारी ईद मिलादुन्नबी मिरवणूक शांततेत आणि शिस्तबद्ध वातावरणात पार पडावी यासाठी पोलिस प्रशासन सज्ज झाले आहे. या पार्श्वभूमीवर ॲडिशनल एस.पी. श्रेणिक लोढा (IPS) यांनी पी. राजा पोलीस ठाण्याचे ठाणेदार मुकेश गुजर यांच्यासह मिरवणुकीच्या मार्गाची प्रत्यक्ष पाहणी केली.
मिरवणुकीचे अध्यक्ष हसन इनामदार यांनी या पाहणीत स्वतः पुढाकार घेऊन पोलिस अधिकाऱ्यांना मार्ग दाखवला. “ईद मिलादुन्नबी मिरवणूक ही ऐक्य आणि बंधुत्वाचे प्रतीक आहे. नागरिकांनी प्रशासनाशी सहकार्य करून मिरवणूक यशस्वी करावी,” असे हसन इनामदार यांनी सांगितले.
पाहणीदरम्यान हसन इनामदार यांनी मिरवणुकीच्या आयोजनाबाबत महत्त्वाच्या सूचना देत सुरक्षा व वाहतूक व्यवस्थेबाबत लक्ष केंद्रित केले. त्यांच्या नेतृत्वामुळे मिरवणुकीच्या तयारीत उत्साह आणि आत्मविश्वास दिसून आला. नागरिकांच्या म्हणण्यानुसार, “हसन इनामदार यांच्या उपस्थितीमुळे मिरवणुकीच्या तयारीला नवा उर्जावान वेग मिळाला आहे.”
या पाहणीत सामाजिक कार्यकर्ते अलीम शेख, मुज्जू जमदार आणि तोफिक ठेकेदार यांनी देखील उपस्थित राहून आवश्यक ते मार्गदर्शन केले.
दरम्यान, मिरवणुकीचे अध्यक्ष हसन इनामदार यांनी पोलिस प्रशासनाशी समन्वय साधून मार्गातील संवेदनशील भाग, सुरक्षा व्यवस्था व शिस्तीच्या दृष्टीने आवश्यक सूचना दिल्या. ॲडिशनल एस.पी. श्रेणिक लोढा यांनीही नागरिकांकडून सहकार्याची अपेक्षा व्यक्त केली.
शहरात या मिरवणुकीबाबत मोठी उत्सुकता असून, हसन इनामदार यांच्या नेतृत्वाखाली आणि पोलिस प्रशासनाच्या देखरेखीखाली यंदाची ईद मिलादुन्नबी मिरवणूक अधिक भव्य व शांततेत पार पडणार असल्याचा विश्वास व्यक्त केला जात आहे.
0 टिप्पण्या